Bundesliga. \"Bavariya\" g'alaba qozondi, Myuller Myunxendagi so'nggi uchrashuvini o'tkazdi
Germaniya chempionatining 33-turidan o‘rin olgan “Bavariya” – Myonxengladbaxning “Borussiya” uchrashuvi yakuniga yetdi.
Mazkur o‘yinda "Bavariya" futbolchilari 2:0 hisobidagi g‘alabani tantana qilishdi. 31-daqiqada Germaniya Bundesligasining to‘purari Harri Keyn "Bavariya"ni oldinga olib chiqdi. 90-daqiqada vinger Maykl Olise ikkinchi golga mualliflik qildi.
Ta'kidlash kerakki, myunxenliklarning 35 yoshli yarim himoyachisi Tomas Myuller ilk daqiqalardan maydonga tushdi va 83-daqiqada almashtirildi. Bu o‘yin uning "Bavariya"ning uy stadionidagi so‘nggi o‘yini bo‘ldi. Eslatib o‘tamiz, yozda u klubni erkin agent sifatida tark etadi.
“Bavariya” mavsumdagi ochkolari sonini 79 taga yetkazdi va ikkinchi o‘rindan 8 ochko ortda qolmoqda. Myonxengladbaxning “Borussiya” klubi 45 ochko bilan 9-o‘rinda bormoqda.
Bundesliga. 33-tur
“Bavariya” 2:0 “Borussiya M”
Gollar: Keyn 31, Olise 90
