Bukayo Saka jarohati sababli Angliya terma jamoasining mashg‘ulotini o‘tkazib yubordi
Angliya milliy terma jamoasi hujumchisi Bukayo Saka JCh-2026 guruh bosqichining 2-turidan o‘rin olgan Ganaga qarshi uchrashuv oldidan jamoaning rasmiy mashg‘ulotida ishtirok etmadi. Mazkur uchrashuv seshanba kuni, ya’ni 23-iyun sanasida bo‘lib o‘tishi belgilangan. Sakaning ushbu bahsda maydonga tushishi hozircha so‘roq ostida turibdi. Bu haqda Mirror nashri xabar bermoqda.
Qayd etilishicha, futbolchini axill payining tendiniti (yallig‘lanishi) muammosi bezovta qilmoqda. Avvalroq, Saka Xorvatiya terma jamoasiga qarshi kechgan 1-tur uchrashuvining (4:2) 72-daqiqasida zaxiradan maydonga tushgan edi.
Eslatib o‘tamiz, 2026-yilgi Jahon chempionati 11-iyundan 19-iyulga qadar AQSh, Kanada va Meksika yashill maydonlarida bo‘lib o‘tmoqda. Amaldagi jahon chempioni Argentina terma jamoasi hisoblanadi. Ular 2022-yili Qatarda o‘tgan mundial finalida Fransiyani mag‘lub etishgan edi (3:3, penaltilar seriyasi bo‘yicha — 4:2).
