Buffon Italiya terma jamoasiga qaytish taklifini rad etdi
Italiya futboli afsonasi Janluiji Buffon Italiya terma jamoasi tizimiga qaytish taklifini rad etdi. Bu haqda La Gazzetta dello Sport xabar berdi. Ma'lumotlarga ko‘ra, taklif Italiya futbol federatsiyasining texnik direktori Paolo Maldini tomonidan bildirilgan.
Xabarda aytilishicha, Buffonga "Club Italia" tuzilmasida amaliy vazifalarni o‘z ichiga olgan yangi lavozim taklif qilingan. U avval ham Italiya terma jamoasida delegatsiya rahbari sifatida faoliyat yuritgan, biroq jamoa 2026-yilgi Jahon chempionatiga chiqa olmagach, o‘z lavozimini tark etgan.
Manbalarga ko‘ra, Buffon taklifni jiddiy ko‘rib chiqqan, ammo hozircha futbolga qaytish uchun to‘g‘ri vaqt emas, degan qarorga kelgan. Ayni paytda u oilasi bilan ko‘proq vaqt o‘tkazishni va kelajakdagi murabbiylik yoki rahbarlik faoliyatiga tayyorgarlik ko‘rishni rejalashtirmoqda.
Eslatib o‘tamiz, Pep Gvardiolaning ham Italiya terma jamoasini boshqarish taklifini rad etgani ortidan federatsiya yangi bosh murabbiy va terma jamoa tizimi uchun rahbar kadrlarni izlashni davom ettirmoqda. Andrea Pirlo asosiy nomzodlardan biri sifatida ko‘rilmoqda.
