Brozovich — «As Sadd» futbolchisi
Futbolchi Qatar jamoasida yiliga bonuslar bilan birgalikda 6 million yevro atrofida maosh oladi.
Фото: As Sadd
"Inter" va Xorvatiya terma jamoasining sobiq yarim himoyachisi Marselo Brozovich Qatarning "As-Sadd" klubi futbolchisiga aylandi. Bu haqda klub ijtimoiy tarmoqlarda ma’lum qildi.
34 yoshli futbolchi yangi jamoasiga erkin agent sifatida qo‘shildi. Uning Saudiya Arabistonining "An-Nasr" klubi bilan shartnomasi 30 iyun kuni yakuniga yetgan edi.
Brozovich faoliyati davomida "Xrvatski Dragovolyas", "Lokomotiva", Zagrebning "Dinamo", "Inter" va "An-Nasr" klublarida to‘p tepgan. Shuningdek, u Xorvatiya terma jamoasi safida 99 ta o‘yin o‘tkazgan.
Futbolchi Qatar jamoasida yiliga bonuslar bilan birgalikda 6 million yevro atrofida maosh oladi.
