Braziliya Vinisius bilan bogʻliq voqeadan soʻng yangi qonun joriy etmoqchi
Avvalroq «Real» hujumchisi irqchilikka uchragani haqida xabarlar tarqalgandi.
FOTO: Getty Images
Braziliya hukumati futbol maydonlarida irqchilikka chek qo‘yish maqsadida milliy darajadagi yangi qonun joriy etishga tayyorlanmoqda. Bu haqda TyC Sports xabar berdi.
Yangi tartibga ko‘ra, agar o‘yin davomida irqchilik bo‘yicha shikoyat tushsa, hakamlar bahsni darhol to‘xtatishi shart. Agar ayblov isbotlansa, qoidabuzar tomonga (futbolchi yoki muxlislar aybi bilan) avtomatik ravishda texnik mag‘lubiyat yoziladi.
Ushbu keskin choralar Chempionlar Ligasidagi Vinisius Junior va Janluka Prestianni o‘rtasidagi mojarodan so‘ng ishlab chiqildi.
Shuningdek, qonun doirasida futbol xodimlari uchun maxsus o‘quv kurslari va kamsitishlarni aniqlash bo‘yicha yangi protokollar joriy etilishi ko‘zda tutilgan.
Nasrullo Karimov
Jurnalist