Braziliya turnirdan chiqib ketganidan so‘ng Neymar maydonda yig‘lab yubordi
Braziliya milliy terma jamoasi hujumchisi Neymar JCh-2026 nimchorak finalida Norvegiyadan uchralgan kutilmagan mag‘lubiyatdan (1:2) so‘ng ko‘z yoshlarini tiya olmadi va maydonni yig‘lagan holda tark etdi.
Uchrashuvni zaxira o‘rindig‘ida boshlagan Neymar 67-daqiqada hujumchi Gabriel Martinellining o‘rniga maydonga tushdi. U o‘yin yakunlanishi arafasida belgilangan penaltini aniq amalga oshirib, jamoasining yagona javob goliga mualliflik qildi.
Eslatib o‘tamiz, Norvegiya terma jamoasi tarkibida Erling Xoland dubl qayd etib, jamoasining g‘alabasini ta’minladi.
Ushbu g‘alabadan so‘ng Norvegiya chorak finalga yo‘l oldi va u yerda Meksika – Angliya juftligi g‘olibi bilan to‘qnash keladi. Avvalroq, musobaqaning 1/16 final bosqichida Braziliya Yaponiya to‘sig‘idan o‘tgan (2:1), Norvegiya esa Kot-d`Ivuar ustidan zafar quchgan edi (2:1).
Amaldagi jahon chempioni Argentina terma jamoasi hisoblanadi. Ular 2022-yili Qatarda o‘tgan mundial finalida Fransiya terma jamoasini mag‘lub etib, bosh sovrinni qo‘lga kiritishgan.
