«Borussiya D» Kovach bilan shartnomani uzaytirdi
Фото: Borussia Dortmund
Dortmundning “Borussiya” klubi bosh murabbiy Niko Kovach bilan hamkorlikni davom ettiradi.
Klub rasmiy sayti xabar berishicha, xorvatiyalik mutaxassis 2027 yilning 30 iyuniga qadar “arilar” bilan yangi bitim imzoladi. 53 yoshli murabbiy o‘tgan mavsumdan beri jamoani boshqarib kelmoqda.
Dortmundliklar o‘tgan yili Bundesligani 4-o‘rinda yakunlab, Chempionlar ligasida ishtirok etish huquqini qo‘lga kiritdi. Yangi mavsumning ilk bahsida esa “Sankt-Pauli” bilan 3:3 hisobida durang qayd etdi. Garchi ular so‘nggi daqiqalargacha 3:1 hisobida oldinda borayotgan edi.
Roziqjon Sultonmurodov
Jurnalist