«Bornmut»ning mag‘lubiyatsiz seriyasi 16 ta o‘yinga yetdi
Angliya Premyer-ligasining 36-turi doirasida «Bornmut» jamoasi «Fulhem»ni 1:0 hisobida mag‘lub etdi va chempionatdagi mag‘lubiyatsiz seriyasini 16 ta o‘yinga yetkazib oldi.
Klubning ushbu seriyasi yanvar oyida, APLning 21-turida «Tottemhem» (3:2) ustidan qozonilgan g‘alaba bilan boshlangan edi. Shundan so‘ng jamoa «Brayton» (1:1) bilan durang o‘ynadi. Keyinchalik «Bornmut» quyidagi jamoalar bilan bahs olib bordi: «Liverpul» (3:2), «Vulverxempton» (2:0), «Aston Villa» (1:1), «Everton» (2:1), «Vest Hem» (0:0), «Sanderlend» (1:1), «Brentford» (0:0), «Byornli» (0:0), «Manchester Yunayted» (2:2), «Arsenal» (2:1), «Nyukasl» (2:1), «Lids» (2:2), «Kristal Pelas» (3:0) va nihoyat «Fulhem».
Navbatdagi turda, 19 may kuni «olchalar» o‘z maydonlarida «Manchester Siti»ni qabul qilishadi. Hozirda «Bornmut» 55 ochko bilan APL turnir jadvalining oltinchi pog‘onasini egallab turibdi.
