«Bornmut» Ximenesni toʻliq oʻz safiga qoʻshib olmoqchi
Angliyaning «Bornmut» klubi himoyachi Alexandro Ximenesning transfer huquqini to‘liq sotib olishga va uni jamoada doimiy asosda olib qolishga tayyor. Bu haqda taniqli insayder va jurnalist Nikolo Skira o‘zining X ijtimoiy tarmog‘idagi sahifasida ma’lum qildi.
Skiraning so‘zlariga ko‘ra, «albalilar» italiyaliklar bilan ijara shartnomasida ko‘rsatilgan sotib olish bandini faollashtirishmoqchi.
Futbolchi uchun 2030 yilgacha mo‘ljallangan, yana bir yilga uzaytirish imkoniyati bilan yangi uzoq muddatli shartnoma tayyorlab qo‘yilgan.
Maʼlumot uchun, Ximenes APLning joriy mavsumida o‘zini ko‘rsata oldi. U «Bornmut» safida 19 ta uchrashuvda maydonga tushib, bitta gol muallifiga aylandi. Shuningdek, uning hisobida Angliya Kubogidagi bitta o‘yin va bitta samarali uzatma ham mavjud.
