Bobb London klubiga o‘tishi mumkin
Futbolchining transfer bozoridagi narxi 25 million yevroni tashkil etadi.
ФОТО: Getty images
"Manchester Siti" yarim himoyachisi Oskar Bobb APLning boshqa klubiga o‘tishi mumkin. Bu haqda Mail Sport nashri xabar bermoqda.
Manbada berilgan ma'lumotga ko‘ra, ayni vaqtda norvegiyalik futbolchining xizmatlariga "Kristal Pelas" jamoasi qiziqish bildirmoqda.
"Burgutlar" Bobbni joriy mavsum oxirigacha ijaraga olishni rejalashtirgan. Futbolchining transfer bozoridagi narxi 25 million yevroni tashkil etadi. Uning "shaharliklar" bilan amaldagi shartnomasi 2029 yilning yozigacha mo‘ljallangan.
22 yoshli vinger joriy mavsum Gvardiola qo‘l ostida 17 ta uchrashuvda harakat qilib, 1 ta gol urdi va 1 ta assistni qayd etdi.
Roziqjon Sultonmurodov
Jurnalist