«Biz oxirigacha kurashamiz». Skaloni — Argentina terma jamoasining JCh–2026dagi maqsadiga to‘xtaldi
Argentina terma jamoasi bosh murabbiyi Lionel Skaloni milliy jamoaning bo‘lajak jahon chempionati – 2026ga kayfiyati haqida fikr bildirdi.
«Biz muhim palladamiz, bizda hammasi yaxshi. Bu hech narsani kafolatlamaydi, ammo o‘yinchilar bor kuchlarini ishga solishlariga va hozirgidek o‘ynashda davom etishlariga meni ishontirishmoqda. Ular hujumda ham, himoyada ham haqiqiy tomosha ko‘rsatishmoqda. Ular go‘yoki ertangi kun yo‘qdek yugurishadi.
To‘p darvozaga kiradimi yo yo‘qmi – bu ikkinchi darajali. Odamlar bu jamoani qo‘llab-quvvatlaydi, bunga shubham yo‘q. Jahon chempionatida hammadan yaxshi o‘ynagan jamoa g‘alaba qozonmaydi, bunga ko‘plab omillar ta’sir qiladi. Biz oxirigacha kurashamiz», – deya Skalonining so‘zlarini keltiradi Olé.
Argentinaliklar amaldagi jahon chempionlari hisoblanishadi. Turnirning guruh bosqichi doirasida ular Jazoir (17 iyun), Avstriya (22 iyun) va Iordaniya (28 iyun) bilan o‘ynaydi.
