«Beshiktosh» Gerreyru bilan shartnoma imzolashi mumkin
Transfermarkt portali futbolchining aktual transfer narxini 6 mln yevroga baholamoqda.
ФОТО: Getty images
"Beshiktosh" klubi Myunxenning "Bavariya" jamoasining 32 yoshli portugaliyalik himoyachisi Rafael Gerreyru bilan shartnoma imzolashi mumkin. Bu haqda jurnalist va insayder Ekrem Konur xabar berdi.
Turk klubi bosh murabbiyi Sergen Yalchin tajribali, jahon darajasidagi o‘yinchilarga muhtoj va Gerreyru yozgi transfer oynasida asosiy maqsadlardan biri hisoblanadi.
"Bavariya" va himoyachi o‘rtasidagi shartnoma iyun oyida yakuniga yetadi. Bu esa "Beshiktosh"ga portugaliyalikni erkin agent sifatida qo‘lga kiritish imkonini beradi.
Joriy mavsum Gerreyru klub safida 24 ta o‘yinda 4 ta gol urdi va 3 ta golli uzatma yetkazib berdi.
Transfermarkt portali futbolchining aktual transfer narxini 6 mln yevroga baholamoqda.
Roziqjon Sultonmurodov
Jurnalist