Benito Mussolinining chevarasi “Latsio” safida debyut qildi
Benito Mussolinining chevarasi Romano Floriani Mussolini “Latsio” safida debyut qildi. 23 yoshli himoyachi A Seriya doirasidagi “Genuya”ga qarshi uchrashuvda maydonga tushib, klubning asosiy jamoasidagi ilk o‘yinini o‘tkazdi.
Floriani Mussolini bahsning ikkinchi bo‘limida zaxiradan maydonga tushdi. Uchrashuv Rim shahridagi “Stadio Olimpiko” stadionida bo‘lib o‘tdi.
Qiziq jihati, ushbu stadion Benito Mussolini davrida qurilgan va 1932-yilda ochilgan. Tarixiy arena o‘sha davrda Rimdagi yirik sport inshootlaridan biri sifatida foydalanilgan.
Ma’lumot uchun, Romano Floriani Mussolini “Latsio” akademiyasi tarbiyalanuvchisi hisoblanadi. U faoliyati davomida bir nechta klublarda ijara asosida to‘p tepgan va 2026/27-yilgi mavsumda “Latsio”ning asosiy jamoasi tarkibidan joy oldi.
