Bellingem: «Men har kuni professionallikni saqlab qolaman, qolgan barcha gaplar esa — safsata»
Madridning «Real» klubi yarimhimoyachisi Jud Bellingem UEFA Chempionlar Ligasi chorak finali doirasidagi «Bavariya»ga qarshi javob uchrashuvi oldidan o‘zining maydon tashqarisidagi go‘yoki nosportcha xulq-atvori haqida tarqalgan mish-mishlarga munosabat bildirdi.
«Bu haqda avval ham aytgan bo‘lsam kerak: shaxsiy hayotni professional faoliyat bilan aralashtirib yubormaslik lozim. Go‘yoki men ko‘p spirtli ichimlik iste’mol qilganim va ko‘ngilochar maskanlarga tez-tez borib turganim haqida haqiqatga to‘g‘ri kelmaydigan ma’lumotlar tarqaldi. Bularning hech biri haqiqat emas. Men har kuni professionallikni saqlab qolaman, qolgan barcha gaplar esa — safsata», — dedi Bellingem.
Ma’lumot uchun, Bellingem joriy mavsumda klub miqyosida o‘tkazilgan 32 ta o‘yinda 6 ta gol urdi va 4 ta samarali uzatmani amalga oshirdi.
