Bellingem klublar o‘rtasidagi JCHdan so‘ng yelkasiga operatsiya qiladi
Photo: Getty Images
Madridning “Real” klubi yarim himoyachisi Jud Bellingem klublar o‘rtasidagi Jahon chempionatidan so‘ng yelkasiga operatsiya qilinadi.
“Hammasi joyida. Yelkamdagi og‘riq u qadar kuchli emas. Bu muammoni hal qilishga tayyorman. Operatsiya finaldan bir necha kun o‘tgandan keyin bo‘ladi”, – dedi Bellingem.
Futbolchi 2023 yil noyabr oyida “Rayo Valekano” klubiga qarshi o‘yinda yelkasining orqa tomonidan jarohat olgan edi.
Ma’lumot uchun, Bellingem klublar o‘rtasidagi JCH guruh bosqichida “Pachuka”ga qarshi o‘yinda (3:1) uchrashuvning eng yaxshi futbolchisi deb topildi.
Roziqjon Sultonmurodov
Jurnalist
