Bekobodlik yosh futbolchilar Qirg‘izistonda o‘tkazilayotgan xalqaro turnirda ishtirok etmoqda
Qirg‘iziston Respublikasida 2011–2012-yillarda tug‘ilgan futbolchilar o‘rtasida “barca Adademy Manas CUP 2025” xalqaro musobaqasi start oldi. Turnirda O‘zbekiston nomidan Bekobod shahrining “Metallurg” futbol jamoasi tarbiyalanuvchilari ham ishtirok etmoqda.
Jo‘shqin Atabekov hamda Bekzod Turdiqulov murabbiyligidagi jamoamiz dastlabki bosqichda muvaffaqiyatli natijalarni qo‘lga kiritmoqda. Jumladan, birinchi turda “Kelechek” jamoasini 9:0 hisobida, ikkinchi turda esa “Afim” jamoasini 2:0 hisobida mag‘lub etishdi.
Jamoamiz hujumchisi Arslan Atanazarov hozircha 6 ta gol bilan musobaqaning eng sermahsul futbolchilaridan biri bo‘lib turibdi. Shuningdek, Muhammad Alanurov 3 ta, Davlat Turdimurodov va Komil Mirzamurodov esa bittadan gol muallifi bo‘lishdi.
