Bekoboddagi sport muassasalarining faoliyati oʻrganildi

Futbol 18 iyn 2025 da 08:34

Nasrullo Karimov

Журналист

Sport vazirligi va Milliy Olimpiya qoʻmitasi rahbariyati hududlardagi infratuzilmalarni oʻrganishda davom etadi. Bugun rasmiylar Toshkent viloyati Bekobod tumaniga tashrif buyurishdi.

Mutasaddilar Bekobod tuman sport maktabi, soʻng Markaziy futbol oʻyingohi, “Guliston” MFYda joylashgan suzish havzasi, suv sporti turlariga ixtisoslashgan sport maktabining eshkak eshish bazasida boʻlib, u yerda yoshlarga yaratilgan sharoitlarni oʻrganishdi.

Shuningdek, 39-son umumta’lim maktabida aholi murojaati asosida qurilgan “Universal sport maktabi”ning tantanali ochilish marosimida ishtirok etishdi. Qolaversa, yoshlarning boʻsh vaqtlarini mazmunli oʻtkazish boʻyicha “Dolzarb 90 kunlik” doirasida tashkil qilinayotgan sport musobaqalarini koʻzdan kechirishdi. Tashrif doirasida sport muassasalariga zamovaniy inventarlar ham topshirildi.

Rasmiylar har bir muassasaning faoliyati bilan yaqindan tanishib, ularning moddiy-texnik bazasini yanada mustahkamlash, mutaxassislar malakasini oshirish borasida oʻz tavsiyalarini berishdi.