Behruz Asqarov — OKMK FK futbolchisi
OKMK professional futbol klubi Osiyo chempioni bilan shartnoma imzoladi. Qishki transfer oynasi doirasida klubimiz O‘zbekiston yoshlar va olimpiya terma jamoalari a’zosi, 2023-yilgi U-20 Osiyo kubogi chempioni bo‘lgan 22 yoshli markaziy yarim himoyachi Behruz Asqarovni o‘z safiga qo‘shib oldi.
Behruz Asqarov professional faoliyati davomida Toshkentning «Paxtakor» hamda Qozog‘istonning «Turon» klublari safida to‘p surib, turli chempionat va xalqaro musobaqalarda muhim tajriba to‘plagan. Shu kunga qadar futbolchi klub miqyosida 55 ta uchrashuvda maydonga tushib, 2 ta gol hamda 3 ta golli uzatma muallifiga aylangan.
Behruz Asqarov 2023-yilda o‘tkazilgan U-20 Osiyo kubogida terma jamoamiz tarkibida chempionlikni qo‘lga kiritgan. Yangi mavsumdan boshlab olmaliqliklar sharafini himoya qiladigan iste’dodli futbolchi Behruz Asqarov bilan OKMK FK o'rtasida bir yillik shartnoma imzolandi.
