“Bayer” Xabi Alonso o'rniga nomzodlarni o'rganib chiqmoqda

Futbol 30 apr 2025 da 10:26

Nasrullo Karimov

Журналист

Leverkuzenning “Bayer” klubi jamoa bosh murabbiyi lavozimiga nomzodlarni qidirishda davom etmoqda. Amaldagi murabbiy Xabi Alonso faoliyatini “Real”da davom ettirishga yaqin turibdi.

“Bayer” rahbariyati uchun ustuvor vazifa hujumkor o'yin va to'p nazoratini ta'minlaydigan mutaxassis topish ekanligi aytilmoqda. Shuningdek, yangi murabbiy ingliz tilini bilishi kerak.

Kicker nashrining xabariga ko'ra, ushbu talablarga Xavi Ernandes va Erik ten Xag to'liq mos keladi.

“Barselona” bilan uch yil muddat birga ishlagan Xavi hozirda ishsiz yuribdi. Ten Xag esa “Manchester Yunayted”ni tark etganidan so'ng ta'tilda yuribdi.

Eslatib o'tamiz, avvalroq “Real Sosedad” bosh murabbiyi Imanol Alguasil “Bayer”ni boshqarishi mumkinligi haqida xabarlar tarqalgandi, biroq u ingliz tilini yetarli darajada bilmagani uchun uning nomzodi ilgari surilmayapti.

Aloqador jamoalar va ligalar

Bayer Leverkusen

Bundesliga Germaniya