«Bayer» Portugaliya yoshlar terma jamoasi hujumchisini sotib olishga yaqin
Portugaliya yoshlar terma jamoasi hujumchisi Afonsu Moreyra Fransiyaning «Lion» klubidan Leverkuzenning «Bayer» jamoasiga oʻtishga yaqin turibdi. Bu haqda insayder Santi Auna xabar bermoqda.
Manbaning bergan maʼlumotiga koʻra, futbolchi Germaniya jamoasiga oʻtishga rozilik bildirgan. Hozirda klublar ushbu transferni faol muhokama qilishmoqda, «dorishunoslar» esa kelishuvni iyun oyi oxirigacha yakunlashga umid qilmoqda.
Moreyra Lissabonning «Sporting» klubi tarbiyalanuvchisi hisoblanadi, u 2025-yilning yozidan buyon «Olimpik Lion» safida toʻp surib kelmoqda. Ushbu davr mobaynida futbolchi Fransiya jamoasi tarkibida barcha turnirlarda jami 37 ta oʻyinda maydonga tushib, 8 ta gol urdi va 11 ta golli uzatmani amalga oshirdi. Futbolchining transfer qiymati 20 million yevroga baholanmoqda.
