«Bavariya» Upamekano bilan prinsipial kelishuvga erishdi
Myunxenning «Bavariya» klubi jamoa himoyachisi Dayo Upamekano bilan shartnomani uzaytirish bo‘yicha prinsipial kelishuvga erishdi. Bu haqda Bild nashri xabar bermoqda.
Manbaga ko‘ra, klub va futbolchi asosiy maosh, bonuslar hamda shartnoma imzolash uchun gonorar borasida kelishib olgan. Hozircha bahsli masala — futbolchini sotib olish bandi bo‘lib qolmoqda.
«Bavariya»da Upamekano faqatgina shunday band mavjud bo‘lsa, shartnomani uzaytirishga tayyor ekani ma’lum. Klub ushbu band 2028 yildan kuchga kirishini istamoqda, futbolchi vakillari esa uning avvalroq amal qilishini talab qilmoqda.
Shunga qaramay, shartnomaning uzaytirilishi eng ehtimoliy variant bo‘lib qolmoqda. Hozirgi kelishuv 2026 yil iyunida yakunlanadi.
Upamekano «Bavariya»ga 2021 yil yozida «RB Leyptsig»dan ko‘chib o‘tgan. Joriy mavsumda u barcha musobaqalarda 20 ta uchrashuvda maydonga tushib, bitta gol muallifi bo‘ldi. Transfermarkt ma’lumotlariga ko‘ra, futbolchining bozor qiymati 60 mln yevroni tashkil etadi.
