«Bavariya» oʻz safini 23 yoshli hujumchi bilan kuchaytirmoqchi
Ushbu transfer taxminan 30 million yevroga baholanishi mumkin.
FOTO: Getty Images
Myunxenning «Bavariya» klubi «Hoffenhaym» safida to‘p surayotgan 23 yoshli hujumchi Fisnik Aslani bilan qiziqmoqda. Bu haqda ESPN nashri jurnalist Kristian Falkga tayanib xabar bermoqda.
Manbaga ko‘ra, «Hoffenhaym» futbolchini sotish orqali taxminan 30 million yevro ishlab olishi mumkin.
Ta’kidlanishicha, Aslani Bundesligaga moslashgan, iqtidorli hujumchi sifatida baholanmoqda.
Joriy mavsumda hujumchi barcha musobaqalar doirasida 17 ta uchrashuvda maydonga tushib, yettita gol va uchta golli uzatma muallifiga aylangan. Futbolchining klub bilan amaldagi shartnomasi 2029 yil yozigacha mo‘ljallangan.
Transfermarkt portali ma’lumotlariga ko‘ra, uning bozor qiymati 30 million yevroni tashkil etadi.
Nasrullo Karimov
Jurnalist