“Bavariya” Nataniel Braun transferi boʻyicha kelishuvga erishdi

Myunxenliklar 22 yoshli futbolchi uchun 55 million yevro toʻlaydi.

Futbol Bugun da 17:55

Nasrullo Karimov

Jurnalist

Myunxenning “Bavariya” klubi “Ayntraxt” himoyachisi va Germaniya terma jamoasi futbolchisi Nataniel Braunni o‘z safiga qo‘shib olish bo‘yicha kelishuvga erishdi.

Insayder Fabritsio Romano xabariga ko‘ra, myunxenliklar 22 yoshli futbolchi transferi uchun 55 million yevro to‘laydi. Kelishuvning yakuniy tafsilotlari bo‘yicha muzokaralar nihoyasiga yetkazilmoqda.

Qayd etilishicha, Braun “Bavariya”ning mudofaa chizig‘ini kuchaytirish bo‘yicha asosiy maqsadlaridan biri bo‘lgan. Futbolchining transferi yaqin vaqt ichida rasman e’lon qilinishi kutilmoqda.

Ma’lumot uchun, Nataniel Braun 2024-yildan buyon Frankfurtning “Ayntraxt” klubida to‘p surmoqda. U 2025-yilda Germaniya terma jamoasida debyut qilgan.