“Bavariya” “Liverpul” futbolchisiga ko‘z tikdi: sabab — Maykl Olise atrofidagi noaniqlik
“Bavariya” “Liverpul” yarim himoyachisi Florian Virtsning transferini ko‘rib chiqmoqda. Myunxen klubi bu variantni jamoaning hujumkor futbolchisi Maykl Olisening kelajagi borasidagi noaniqlik sabab o‘rganmoqda. Bu haqda Bild xabar bermoqda.
Manbaga ko‘ra, “Bavariya” Olisesiz tarkibni shakllantirish variantlarini ham ko‘rib chiqmoqda. Fransiyalik futbolchining klubdagi uzoq muddatli kelajagi hozircha aniq emas. Shuningdek, uning Ispaniya klublaridan biriga o‘tishi mumkinligi haqida mish-mishlar tarqalgan.
Xususan, yozgi transfer oynasida “Real Madrid” Oliseni tarkibiga qo‘shishga urinayotgani haqida xabarlar chiqqan. Shuningdek, Fransiya terma jamoasidagi sherigi Kilian Mbappe uni Madrid klubiga o‘tishga ko‘ndirgani haqida ham ma’lumotlar tarqalgan.
Ma’lumot uchun, Florian Virts 2025-yil iyunida “Bayer”dan “Liverpul”ga o‘tgan. Germaniyalik futbolchi avval “Bavariya”ning ham transfer maqsadlaridan biri bo‘lgan.
