“Bavariya” Jonatan Ta uchun kurashga qo'shildi

Futbol 11 may 2025 da 03:12

Nasrullo Karimov

Журналист

Myunxenning “Bavariya” klubi “Bayer” himoyachisi Jonatan Ta va uning vakillari bilan muzokaraga kirishdi. Bu haqda jurnalist va insayder Florian Plottenberg xabar bermoqda.

Manbaga ko'ra, “Bavariya” sport direktorlari Maks Eberi va Kristof Freund yozda erkin agentga aylanadigan germaniyalik futbolchining transferini rahbariyatdan talab qilmoqda.

Avvalroq, OAV'da Xabi Alonso “Real Madrid” bosh murabbiyiga aylansa, Tani ham o'zi bilan olib kelmoqchi ekanligi haqida xabarlar tarqalgandi.

Qayd etilishicha, “Barselona” ham nemis vakillari bilan muzokaralar olib bormoqda va futbolchi bilan shartnoma shartlari borasida kelishuvga erishgan. Biroq moliyaviy qiyinchiliklar sabab transfer yakuniga yetmay qolmoqda.

Ma'lumot uchun, Jonatan Ta joriy mavsum barcha turnirlarda 47 ta o'yinda maydonga tushib, 4 ta gol urdi va bitta golli uzatmani amalga oshirdi. Uning Transfermarkt'dagi narxi 30 million yevroga baholanmoqda.

Aloqador jamoalar va ligalar

Bayern Munich

Bayer Leverkusen

Bundesliga Germaniya