«Bavariya» «Hoffenhaym» hujumchisini Harri Keyn oʻrniga olib kelmoqchi

Myunxenning «Bavariya» klubi «Hoffenhaym» hujumchisi Fisnik Aslaniga qiziqish bildirmoqda. Bu haqda insayder Florian Plottenberg xabar bermoqda.

Manbaga koʻra, «Bavariya» 23 yoshli futbolchining nomzodini Harri Keynga oʻrinbosar sifatida koʻrib chiqmoqda.

Qayd etilishicha, Aslani kelasi yozda «Hoffenhaym»ni tark etadi. Futbolchiga, shuningdek, «Barselona» va bir necha Yevropa klublari ham qiziqish bildirmoqda.

Maʼlumot uchun, Aslani joriy mavsum barcha turnirlarda 9 ta oʻyinda maydonga tushib, 6 ta gol urdi va 2 ta golli uzatmani amalga oshirdi. Uning Transfermarkt'dagi narxi 18 million yevroga baholanmoqda.

Nasrullo Karimov

Jurnalist