«Bavariya» Bundesliga rekordini oʻrnatdi
Myunxenning «Bavariya» klubi Bundesligada yangi rekord oʻrnatdi. Jamoa mavsum boshida barcha turnirlar doirasida ketma-ket 12 ta gʻalabaga erishdi. Bu haqda Opta Sports xabar bermoqda.
Manbaga koʻra, Yevropaning TOP-5 chempionatlari orasida bundan yaxshiroq start faqat «Milan» tomonidan 1992/1993 yilgi mavsumda qayd etilgan. Oʻshanda «rossonerilar» ketma-ket 13 ta oʻyinda gʻalaba qozongandi.
Bundesliga jadvalining yettinchi turi yakunlariga koʻra, «Bavariya» 21 ochko bilan birinchi oʻrinni egallab turibdi. Eng yaqin taqibchi «Leypsig» safida esa 16 ochko mavjud.
Myunxenliklar Chempionlar ligasi umumiy bosqichining 3-turidan soʻng 9 ochko bilan ikkinchi oʻrinda bormoqda. Eslatib oʻtamiz, «Bavariya» Germaniyaning amaldagi chempioni hisoblanadi.
