Bartez Fransiya terma jamoasi murabbiylar shtabiga qo‘shildi
Fabien Bartez Fransiya milliy terma jamoasi murabbiylar shtabiga qo‘shildi. Bu haqda Fransiya futbol federatsiyasi (FFF) matbuot xizmati xabar berdi.
55 yoshli mutaxassis Fransiya terma jamoasida darvozabonlar murabbiyi sifatida faoliyat olib boradi.
Avvalroq milliy jamoa bosh murabbiyi etib Zinedin Zidan tayinlangani xabar qilingandi. Uning shtabiga David Bettoni, Hamidu Msaidi, Gregori Dyupont, Stefan Plank, Farid Tabet va Klemant Iber ham kiritilgan.
Bartez — jahon va Yevropa chempioni, "Marsel" tarkibida Chempionlar ligasi g‘olibi, "Manchester Yunayted" bilan ikki karra Angliya chempioni hamda "Monako" safida ikki karra Fransiya chempioni bo‘lgan.
U 2007 yilda futbolchilik faoliyatini yakunlagan va shundan beri murabbiylik amaliyotiga ega bo‘lmagan.
