“Barselona” yarim himoyachisiga APLning 4 klubi qiziqmoqda
“Barselona” yarim himoyachisi Mark Kasado Angliya Premyer-ligasining bir nechta klublari e’tiboriga tushdi. Bu haqda Mundo Deportivo nashri The Guardian’ga tayanib xabar bermoqda.
Manbaga ko‘ra, Kasadoni transfer qilish bo‘yicha muzokaralarni “Sanderlend” boshlab yuborgan. Shuningdek, 22 yoshli futbolchining xizmatlariga “Nyukasl”, “Aston Villa” va “Brayton” ham qiziqish bildirmoqda.
Bundan tashqari, ispaniyalik yarim himoyachiga Saudiya Arabistoni klublaridan ham takliflar bor. Biroq Kasado faoliyatini Yevropada davom ettirishni afzal ko‘rmoqda.
Ma’lumot uchun, Kasado o‘tgan mavsumda La Liga doirasida 24 ta uchrashuvda maydonga tushib, bitta golli uzatmani amalga oshirgan. U “Barselona”ning asosiy tarkibidan joy olish uchun kurash olib bormoqda.
