«Barselona» Viktor Tsigankovga qiziqish bildirmoqda
«Barselona» klubi «Jirona» vingeri Viktor Tsigankovga qiziqib qoldi, deya xabar bermoqda Diario Sport nashri. Kataloniya klubi 28 yoshli ukrainalik futbolchini hujum chizigʻini kuchaytirish uchun kamxarj variant sifatida koʻrib chiqmoqda.
Manbaning xabar berishicha, Tsigankov «Jirona» La Ligadan tushib ketganidan soʻng jamoani tark etishni istamoqda va u «Barselona»ga tekinga tushishi mumkin. Kelishuv doirasida kataloniyaliklar «Jirona»ga oʻzining yosh futbolchilarini ijaraga berish boʻyicha yordam koʻrsatishga ham tayyor.
2025/2026-yilgi mavsumda Tsigankov «Jirona» safida barcha turnirlarda 34 ta oʻyin oʻtkazib, 7 ta gol urdi va 5 ta golli uzatmani amalga oshirdi. Futbolchining «Jirona» bilan shartnomasi 2027-yilga qadar moʻljallangan, biroq klubning quyi divizionga tushib ketishi uning ketishini tezlashtirishi mumkin.
