\"Barselona\" transferlar uchun 210 million yevro kredit olmoqchi
Xabarlarga ko‘ra, klub ushbu mablag‘ni kelajakdagi teletranslyatsiya huquqlaridan olinadigan daromadlar evaziga ta'minlamoqchi.
Foto: Getty Images
"Barselona" yozgi transfer oynasida yirik xaridlarni amalga oshirish maqsadida 210 million yevro miqdorida kredit jalb etishni rejalashtirmoqda.
Xabarlarga ko‘ra, klub ushbu mablag‘ni kelajakdagi teletranslyatsiya huquqlaridan olinadigan daromadlar evaziga ta'minlamoqchi. Bunga "Kamp Nou" stadioni rekonstruksiyasining cho‘zilib ketgani sababli yuzaga kelgan moliyaviy bosim ham sabab bo‘layotgani aytilmoqda.
Kataloniyaliklarning asosiy transfer maqsadi hali ham Xulian Alvares bo‘lib qolmoqda. Shuningdek, klub Karim Adeyemi transferini ham yakunlashga yaqin ekani aytilmoqda.
Shu tariqa, "Barselona" moliyaviy qiyinchiliklarga qaramay, yangi mavsum oldidan tarkibini kuchaytirish niyatidan voz kechmayapti.
Nasrullo Karimov
Jurnalist