«Barselona» Shlotterbek transferi boʻyicha yakuniy qarorga keldi
«Barselona» rahbariyati Dortmundning «Borussiya» klubidan markaziy himoyachi Niko Shlotterbekni xarid qilish variantini to‘liq rad etdi. Bu haqda Sport.es xabar bermoqda.
Manba ma’lumotlariga ko‘ra, kataloniyaliklar nemis futbolchisida ko‘plab foydali sifatlar borligini tan oladi, biroq uning tezligi yetarli emas, shuning uchun u bosh murabbiy Hans-Diter Flikning o‘yini tizimiga moslasha olmaydi.
«Barselona» 26 yoshli himoyachi uchun boshqa klublar bilan yakuniy kurashda qatnashmaydi.
Joriy mavsumda Shlotterbek barcha musobaqalarda 22ta o‘yinda maydonga tushdi, ularda ikki gol urib, yana ikki golli pas berdi. Futbolchining klub bilan amaldagi shartnomasi 2027 yil yozigacha mo‘ljallangan. Transfermarkt portalida berilgan ma’lumotga ko‘ra, uning bozor qiymati 55 million yevroni tashkil qiladi.
