“Barselona” Rafinya bilan yangi shartnoma borasida muzokara boshladi
“Barselona” braziliyalik vinger Rafinya bilan hamkorlikni uzaytirish ustida ishlamoqda. Klub sport direktori Deku futbolchi bilan shaxsan suhbatlashib, yangi shartnoma masalasini muhokama qilgan. Bu haqda SPORT nashri xabar bermoqda.
Manbaga ko‘ra, Rafinyaning “Barselona” bilan amaldagi shartnomasi 2028-yil yozigacha mo‘ljallangan. Shunga qaramay, kataloniyaliklar jamoaning muhim futbolchilaridan biriga aylangan braziliyalik bilan kelishuvni oldindan uzaytirib qo‘yishni istamoqda.
29 yoshli vinger yangi mavsumni ham yuqori saviyada boshladi. U La Ligadagi dastlabki besh uchrashuvda 6 ta gol va 3 ta golli uzatma qayd etib, “Barselona” hujum chizig‘ining eng samarali futbolchilaridan biri bo‘lib turibdi.
Ma’lumot uchun, Rafinya “Barselona” safida so‘nggi mavsumlarda asosiy tarkibning muhim futbolchilaridan biriga aylandi. Hozircha yangi shartnomaning muddati va moliyaviy shartlari borasida aniq ma’lumot berilmagan.
