«Barselona» Pedru Netuga qiziqish bildirmoqda — manba
«Barselona» klubi hujum chizig‘ini kuchaytirish maqsadida «Chelsi» vingeri Pedru Netuga qiziqish bildirmoqda. Mundo Deportivo nashriga ko‘ra, kataloniyaliklar tarkibga markaziy hujumchi, markaziy himoyachi va vinger qo‘shib olishni rejalashtirmoqda.
Pedru Netu o‘zining raqib himoyasini yorib o‘tish, yuqori tezlik, vaziyat yaratish va universalizm kabi sifatlari bilan «Barselona» murabbiylar shtabi e’tiborini tortgan. U qanotning istalgan tomonida samarali harakat qila oladi.
Netu joriy mavsumda barcha turnirlarda 42 ta o‘yinda maydonga tushib, 10 ta gol va 6 ta golli uzatmani amalga oshirdi. Futbolchining «Chelsi» bilan amaldagi shartnomasi 2031 yilning yoziga qadar amal qiladi, Transfermarkt esa uning bozor qiymatini 60 million yevroga baholamoqda.
