«Barselona» Kristensen bilan shartnomani 2028 yilgacha uzaytirdi

Barselona o‘z rasmiy veb-saytida himoyachi Andreas Kristensen bilan shartnoma uzaytirilganini e’lon qildi. 30 yoshli daniyalik futbolchi bilan yangi kelishuv 2028 yil yozigacha mo‘ljallangan.
"Hamon ko‘k-anorrangda", — deyiladi klubning ijtimoiy tarmoqlardagi xabarida.

Kristensen 2022 yil yozida Londondagi Chelsi klubidan ketgach, erkin agent sifatida Barselonaga o‘tgan edi. Kataloniya klubida to‘rt mavsum davomida himoyachi jami 98 ta o‘yin o‘tkazib, beshta gol urdi va uchta golli pas uzatdi. So‘nggi ikki mavsumda jarohatlar sababli u atigi 24 ta o‘yinda ishtirok etdi.

Amaldagi shartnoma 2026 yilda tugayotgan edi, endi kelishuv yana ikki mavsumga uzaytirildi.

Roziqjon Sultonmurodov

Jurnalist

0 0 0 0 0 0