Barselona Gehini sotib olmaydi
Moliyaviy talablar sabab kelishuv amalga oshmaydi.
ФОТО: Getty images
“Barselona” “Kristal Pelas” markaziy himoyachisi Mark Gehini agentlari bilan uchrashuv o‘tkazdi. Bu haqda Mundo Deportivo nashri xabar tarqatmoqda.
Manbaga ko‘ra, muzokaralar chog‘ida tomonlar ingliz futbolchisining moliyaviy shartlari borasida kelisha olmagan.
Qayd etilishicha, “Liverpul” va “Bavariya” Gehiga ancha foydaliroq shartnoma taklif qilishga tayyor.
Mark Gehi 2021 yil yozidan buyon “Kristal Pelas” safida to‘p surib kelmoqda. Shu vaqt davomida u barcha musobaqalar doirasida jami 182 ta uchrashuvda maydonga tushib, o‘z hisobiga 10 ta gol va 8 ta golli uzatma yozdirib qo‘ygan. Transfermarkt portali maʼlumotlariga ko‘ra, futbolchining bozor qiymati 55 million yevroni tashkil etadi.
Roziqjon Sultonmurodov
Jurnalist