«Barselona» Bernardu Silvani transfer qilish uchun ikki futbolchisini sotmoqchi
Yarimhimoyachi Bernardu Silvaning «Barselona»ga oʻtishi bir necha kun davom etishi mumkin, chunki «koʻk-anorranglilar» bosh murabbiyi Hans-Diter Flik tarkibda joy boʻshatmoqchi. Bu haqda AS nashri xabar bermoqda.
Manbaning maʼlum qilishicha, Kataloniya klubi koʻproq oʻyin amaliyotiga ega boʻlishni istayotgan yarim himoyachi Mark Kasadoni sotish niyatida. Shuningdek, «Barselona» qanot hujumchisi Runi Bardjini ijaraga berish variantini ham koʻrib chiqmoqda. Vingerga bir nechta jamoalar daʼvogarlik qilmoqda, biroq «blaugrana» uning ustidan nazoratni yoʻqotishni xohlamaydi.
Silvaning «Barselona» bilan ikki yillik shartnoma imzolashi kutilmoqda. Shu bilan birga, yarim himoyachi «koʻk-anorranglilar» La Liganing moliyaviy qoidalariga muvofiq kelishi uchun maoshi kamaytirilishiga ham rozi.
