“Barselona” Alexandro Balde bilan qishda xayrlashishi mumkin
“Barselona” himoyachisi Alexandro Balde qishki transfer oynasida jamoani tark etishi mumkin. Futbolchining mavsum boshidagi kam o‘yin amaliyoti uning kelajagini noaniq holatga keltirib qo‘ydi. Bu haqda Diario SPORT xabar bermoqda.
Manbaga ko‘ra, agar Baldening maydondagi vaqti yaqin oylar davomida oshmasa, “Barselona” yanvar oyida uning boshqa klubga o‘tishiga qarshi bo‘lmaydi. Kataloniyaliklar himoyachini dastlab ijaraga berish variantini ham ko‘rib chiqmoqda.
22 yoshli futbolchi 2026/27-yilgi mavsumda asosiy tarkibdagi o‘rnini yo‘qotgan. Chap qanot himoyasida Xavi Espart va Joau Kanselu undan ko‘proq imkoniyat olayotgani qayd etilmoqda. Balde esa hozircha La Ligada atigi bitta uchrashuvda maydonga tushgan.
Ma’lumot uchun, Alexandro Balde “Barselona” akademiyasi tarbiyalanuvchisi hisoblanadi. Ispaniyalik himoyachining kataloniyaliklar bilan amaldagi shartnomasi 2028-yil yozigacha mo‘ljallangan.
