Bahodir Abduvaliev Tojikiston klubiga o‘tdi
24 yoshli futbolchi “Parvoz” klubi bilan shartnoma imzoladi.
Фото: Парвоз ПФК
O‘zbekistonlik markaziy hujumchi Bahodir Abduvaliev faoliyatini Tojikistonda davom ettiradi.
Sports24.uz nashri xabariga ko‘ra, 24 yoshli futbolchi “Parvoz” klubi bilan shartnoma imzoladi.
Abduvaliev o‘tgan mavsumni O‘zbekistonda Proliga ishtirokchisi “FarDU” klubida to‘p surgan. Mavsum yakunida shartnomasi tugab, legionerga aylandi.
Ma’lumot uchun, “Parvoz” yangi mavsumni Tojikiston Oliy ligasida debyutini o‘tkazadi. Bu klub allaqachon o‘zbekistonlik darvozabon Muhriddin Ahmedov va himoyachi Ismoil Oxunjonov bilan bitim imzolagan.
Roziqjon Sultonmurodov
Jurnalist