Azar faoliyatini «Lans»da davom ettirishi mumkin — manba
Tomonlar hamkorlik shartlari boʻyicha oʻzaro kelishuvga erishgan.
FOTO: Getty Images
«Anderlext»ning belgiyalik yarimhimoyachisi Torgan Azar «Lans» klubiga o‘tishi mumkin. Bu haqda jurnalist Sasha Tavoleri xabar bermoqda.
Manbaning ma’lumotlariga ko‘ra, futbolchi kelayotgan yozda «oq-binafsharanglilar» bilan amaldagi shartnomasi yakuniga yetgach, «qonli-oltinranglilar» safiga qaytishi mumkin. Azar fransuz klubi bilan hamkorlik shartlari bo‘yicha kelishuvga erishib bo‘lgan; tomonlar 2028 yilning yoziga qadar mo‘ljallangan bitimni imzolaydilar.
Torgan Azar faoliyatining ilk yillarida «Lans» sharafini himoya qilgan. Shuningdek, futbolchining faoliyati davomida Dortmundning «Borussiya», Myunxen-Gladbaxning «Borussiya», PSV va boshqa bir qator jamoalar ham o‘rin olgan.
Nasrullo Karimov
Jurnalist