Ayollar futboli. Osiyo kubogi uchun qur'a tashlandi
Eng yaxshi 4 ta terma jamoa JCh yo'llanmasini qo'lga kiritadi.
Фото: Аёллар футболи
2026-yilda Tailandda bo‘lib o‘tadigan 20 yoshgacha bo‘lgan qizlar o‘rtasidagi Osiyo kubogi uchun qur'a tashlandi.
Qur'a natijalariga ko‘ra, Vladimir Panov boshchiligidagi O‘zbekiston U-20 qizlar terma jamoasi Koreya Xalq Demokratik Respublikasi, Janubiy Koreya va Iordaniya yoshlar terma jamoalari bilan birgalikda "B" guruhidan joy oldi.
Eslatib o‘tamiz, ushbu musobaqa 2026-yilning aprel oyida Tailandda bo‘lib o‘tadi. Mazkur turnirda yarim finalgacha yetib borgan 4 ta terma jamoa kelasi yili Polshada bo‘lib o‘tadigan Jahon chempionatiga yo‘llanma oladi.
Roziqjon Sultonmurodov
Jurnalist