«Ayaks» «Real» yarim himoyachisi bilan shartnoma imzolashga yaqin — Moretto
Amsterdamning “Ayaks” klubi Madridning “Real” klubi markaziy yarim himoyachisi Daniel Sebalyos bilan shartnoma imzolash bo‘yicha muzokaralarning yakuniy bosqichida turibdi.
Jurnalist va insayder Matteo Morettoning ijtimoiy tarmoqdagi ma’lumotlariga ko‘ra, 29 yoshli futbolchi shu yozda Gollandiya klubiga o‘tishi mumkin.
Sebalyos ko‘proq o‘yin amaliyotiga ega bo‘lish uchun “Real”ni tark etmoqchi, chunki klub murabbiylar shtabi yoshroq futbolchilarni afzal ko‘rmoqda.
“Ayaks” Sebalyosning transferi uchun “Real”ga 6 million yevro atrofida mablag‘ taklif qildi, biroq Madrid klubi bu taklifga hali yakuniy javobni bermadi. Joriy mavsumda yarim himoyachi “Real” safida 23 ta o‘yinda maydonga tushib, birorta ham gol urmadi va golli uzatmani amalga oshirmadi.
Sebalyosning Madrid klubi bilan shartnomasi 2027-yilgacha amal qiladi. Transfermarkt ma’lumotlariga ko‘ra, uning bozor qiymati 8 million yevroni tashkil qiladi.
