Avtohalokat oqibatida halok bo‘lgan Diogu Jotaning ortida rafiqasi va uch nafar farzandi qoldi
Avariyada uning akasi ham hayotdan ko‘z yumdi
Rasm: Instagram
Fojia yuz berganidan atigi 10 kun oldin, “Liverpul” va Portugaliya terma jamoasi hujumchisi Jota uzoq yillardan beri birga bo‘lgan sevgilisi — Rute Kardoso bilan turmush qurgan edi. Nikoh marosimi 22 iyun kuni bo‘lib o‘tgan.
O‘sha paytda ijtimoiy tarmoqlarda ularning to‘y suratlari tarqaldi. Suratlarda Diogu, Rute va ularning uch farzandi — to‘rt yoshli Denis, ikki yoshli Duarte hamda 2024 yilda tug‘ilgan qizaloq tasvirlangan.
To‘ydan so‘ng futbolchi shunday yozgandi: «Abadiy…»
Hayot endigina boshlanganday edi. Afsuski, u kutilmaganda uzildi. Futbolchining oilasi va yaqinlariga chuqur hamdardlik bildiramiz.
Bakradze Iman
Redaktor
