«Atletiko» Romero transferini ko‘rib chiqmoqda

"Tottenhem" markaziy himoyachisi Kristian Romero yozda klubini o‘zgartirishi mumkin. Bu haqda Caught Offside xabar berdi.

Manbaga ko‘ra, 27 yoshli futbolchini Madridning "Atletiko" klubi o‘z safiga qo‘shib olmoqchi. Uning transfer narxi 50 million yevroga baholanmoqda.

Qayd etilishicha, himoyachining "Tottenhem" bilan amaldagi shartnomasi 2029 yil iyunigacha amal qiladi.

Ma’lumot uchun, Romero ushbu mavsum APLda 23 ta bahsda maydonga tushib, 4 gol va 1 ta golli uzatma amalga oshirgan.

Roziqjon Sultonmurodov

Jurnalist