“Atletiko” Kristian Romero uchun 30 million yevro taklif qiladi
Madridning “Atletiko” klubi “Tottenhem” himoyachisi Kristian Romeroni o‘z safiga qo‘shishga jiddiy qiziqish bildirmoqda.
Marca nashriga ko‘ra, ispan klubi 28 yoshli argentinalik futbolchi uchun taxminan 30 million yevrolik ilk rasmiy taklifni tayyorlamoqda. “Tottenhem” esa Romero transferidan kamida 40 million yevro ishlab olishni istamoqda.
Futbolchi uchun “Inter” ham kurash olib bormoqda. Milan klubi London jamoasiga 35 million yevro va yana 5 million yevro bonus ko‘rinishida taklif yuborgan. Biroq Romeroning o‘zi Diyego Simeone boshchiligidagi “Atletiko”ga o‘tishni afzal ko‘rayotgani aytilmoqda.
“Atletiko” Matteo Rujeri va Nauel Molinani sotgach, muzokaralarni tezlashtirib, argentinalik himoyachi transferini amalga oshirishni rejalashtirmoqda. Hozircha klublar o‘rtasida yakuniy kelishuv mavjud emas.
