«Atletiko» Koke bilan shartnomani uzaytirdi
Koke 'Atletiko' akademiyasi tarbiyalanuvchisi hisoblanadi.
ФОТО: Getty images
Madrid klubi sardori Koke klub bilan yangi shartnoma imzoladi.
Ispaniyalik futbolchi bilan tuzilgan yangi bitim 2027 yilning iyun oyigacha mo'ljallangan.
Koke 'Atletiko' akademiyasi tarbiyalanuvchisi hisoblanadi. Yarim himoyachi 2009 yilning sentabr oyida madridliklarning asosiy jamoasida debyut qilgan va shundan beri klub safida barcha turnirlarda jami 740 ta o'yinda maydonga tushgan.
Yakunlangan mavsumda 34 yoshli ispaniyalik futbolchi La Liganing 34 ta bahsida maydonga tushib, o'z hisobiga 2 ta gol va 2 ta golli uzatma yozdirib qo'ygan edi.