\"Atletiko\" ikki nafar futbolchisi bilan xayrlashdi

Futbol 30 iyn 2025 da 09:50

Roziqjon Sultonmurodov

Jurnalist

Madridning "Atletiko" klubi o‘zining ikki himoyachisi Reynaldu Mandava hamda Sezar Aspilikueta bilan xayrlashganini e’lon qildi.

Qayd etilishicha, “matraschilar” har ikki futbolchi bilan shartnoma muddatini uzaytirishni xohlamagan.

31 yoshli Mandava madridliklar safida 4 mavsum to‘p surdi. Chap qanot himoyachisi "matraschilar" safida 103 ta uchrashuvda maydonga tushishga muvaffaq bo‘lgan.

35 yoshli Aspilikueta Madrid klubida ikki mavsum o‘tkazdi. Bu vaqt ichida u 54 ta o‘yin o‘tkazdi. Futbolchi o‘ng qanot himoyachisi va himoya markazida o‘ynadi.