«Atletiko» Grimaldo bilan kelishuvga erishdi — manba
Grimaldo Germaniya klubi safida 2023 yilning yozidan buyon to'p suradi.
ФОТО: Getty images
Madridning "Atletiko" klubi "Bayer"ning chap qanot himoyachisi Alejandro Grimaldoning transferi borasida kelishuvga erishdi.
"Matraschilar" 30 yoshli futbolchi uchun 12 mln yevro to'laydi. Ikki klub o'rtasidagi muzokaralar qiyin kechmasligi kutilmoqda. Bu haqda Atletico Universe nashri Marca’ga tayanib xabar bermoqda.
Grimaldo Germaniya klubi safida 2023 yilning yozidan buyon to'p surmoqda. O'tgan mavsumda himoyachi barcha turnirlarda 46 ta o'yinda ishtirok etib, 14 ta gol va 12 ta golli uzatma muallifi bo'ldi.
Futbolchining klub bilan amaldagi mehnat shartnomasi 2027 yilning yozigacha mo'ljallangan.
Transfermarkt portalida taqdim etilgan ma'lumotlarga ko'ra, futbolchining bozor qiymati 20 mln yevroni tashkil etadi.