«Atletiko» Gonzales borasida «Yuventus» bilan muzokara o'tkazmoqda
Photo: Getty Images
"Yuventus" klubi vingeri Niko Gonzales faoliyatini La Ligada davom ettirishi mumkin. Bu haqda insayder va jurnalist Fabrizio Romano xabar berdi.
Manbaga ko'ra, "Atletiko" 27 yoshli argentinalik futbolchi transferi bo'yicha Turin klubi bilan muzokaralarni boshladi.
"Yuventus" ham Gonzales bilan xayrlashishga tayyor. Faqat klub ma'qul variant paydo bo'lsa, uni sotib yuboradi.
Transfermarkt portali Gonzalesni 24 million yevroga baholamoqda. Uning shartnomasi 2029 yil o'rtalariga qadar mo'ljallangan.
Bahrom Bobonov
Redaktor
