Atletiko Alvaresni saqlab qolish uchun maoshini oshirmoqchi
Uning amaldagi shartnomasi 2030 yil yozigacha amal qiladi.
ФОТО: Getty images
"Atletiko" klubi Xulian Alvares bilan yangi shartnoma imzolash orqali uni jamoada olib qolmoqchi. Bu haqda Marca nashri xabar berdi.
Manbaga ko'ra, "matraschilar" argentinalik futbolchiga yiliga 10 million yevrodan ortiq maosh taklif qilishga tayyor.
Klub uning maoshini oshirish orqali "Barselona"ga o'tish fikridan qaytarmoqchi.
Qayd etilishicha, yangi bitim Alvaresni jamoaning eng ko'p maosh oluvchi futbolchilaridan biriga aylantiradi. Hozirda darvozabon Yan Oblakning yillik maoshi taxminan 20 million yevroni tashkil qiladi.
Joriy mavsumda Alvares barcha turnirlarda 44 ta bahsda ishtirok etib, 17 ta gol va 9 ta assist qayd etgan. Uning amaldagi shartnomasi 2030 yil yozigacha amal qiladi.
Roziqjon Sultonmurodov
Jurnalist